هيعملوا ايه تانى؟

Standard

كنت نايم في بيتنا مستنى اعمل عمليه في عينيا لقيت واحد بيفقد عنيه الاتنين لنفس السبب “الشرطة ووحشيتها الغير مبررة “طيب وبعدين؟

اللى جاي مش مقدمة ولكنه توضيح لان التخوين والتجهيل بقي اسهل حاجة انا ايه ومين؟

انا زي اى مواطن مصري ، ماليش في السياسة بس بفهم ، ماليش فيها يعنى ماليش انتماءات حزبيه ولا توجهات عاوز احققها يعنى انا ولااخوان ولاعلمانى ولا ليبرالي ولا ايه حاجة من دول لاني اسمع عنهم اه بس معرفش اى حاجة منهم بالكامل .. بالتالى مينفعش انتمي لحاجة انا معرفش كل حاجه عنها

، كل اللى انا عاوزه زى اي  “انسان” (مصري ، اجنبي ، هندي ، هولندي ، بلجيكى حتى مش فارق بس انسان) “عيش وحرية وكرامة وعدالة اجتماعية” حرام؟

  انا منزلتش ميدان التحرير من أيام اعتصام يوليو وبعدها الدنيا قلبت مليونيات بعد رمضان هدفها استعراض قوة الحشد من الاخوان او التجمعات الاخري والجيش والشرطة كانوا بيهربوا علشان الاحتكاكات وللاسف محترمتهومش كالعادة

  من يومها منزلتش تانى غير امبارح بليل ، طيب ايه اللى خلانى وخلي كتير يغيروا رأيهم وينزلوا مع اننا مش متفقين مع الاعتصام ولا اقتحام الداخليه ده لو اصلا حصل ، ولا حتي مع اى مظاهرات فئوية ولا غير فئوية في الفترة دي علشان منديش المجلس والعسكري فرصه للحكم الابدي زى ٥٢ ، علي فكرة موافق علي ان الاخوان هما اللي يحكموا فترة ال ٥ سنين لان مفيش بلد بتتبني في ٦ شهور ولا سنة ولا اتنين وخلي الاخوان يتعبوا والشعب يتعلم ويفهم ديموقراطية

 عموما نزلت علشان “الحق” ايوة حق .. حق “الانسان”

حقوق الانسان اتهانت واتمسح بيها زبالة الطرق ، لما عسكري “أمن” وحط تحت أمن دي ألف خط يجر بنت من شعرها في الشارع ! ايه تهمتها؟ لما عسكري “جيش” يمسك واحد يسحلو ضرب ويجره من ايده علي الارض وباقي العساكر بيضربوه بفترا يبقي ده دين ايه؟ لما واحد ميت يتجر من رجله ويترمي في الزبالة؟ معتصمين؟

  ميعتصموا وانت مالك يا عسكر؟ شغلك انك تحميهم وهما معتصمين – مفيش مبرر للقتل والتعذيب والوحشيه ثم ان اعتصام وقطع طريق دمياط استمر اكتر من ١٠ أيام ومفيش ولا محاوله لفضه بالقوه غير في اليوم ال ١١ مع ان قطع الطريق والاعتصام في دمياط خسر مصر اكتر من ٣٥ مليون جنيه في ال ١٠ ايام دول

نزلت علشان اشهد بنفسي علي مذابح العسكر في بلدي .. نزلت علشان محدش يقولي مين قلك ، نزلت علشان اشوف البلطجيه اللى بيقولوا عليهم في الميدان .. وللاسف البلطجيه كانوا مع الشرطة والجيش بسيوفهم وسنجهم وسلاحهم بيضربوا في الثوار العزل بلا رحمة ولادين

وحشية الداخلية والشرطة العسكرية مع المتظاهرين العزل

واحد تانى مستفز يقولك دول تمويل اجنبي .. تمويل اجنبي ايه يا غبي .. فلوس الدنيا هتعمل بيها ايه وانت مقتول؟ هتعمل ايه بالفلوس او الحكم وانت ناقص عين او اتنين ، ولا عندك عاهه مستديمة؟ هو البعيد غبي؟

اللي كانوا في التحرير كانوا شباب وفقراء ومحتاجين قرفوا من حال البلد ومعندهومش اي توجه سياسي لانهم عملوا الغلط ، ايوة هما غلط انهم يعتصموا في الوقت ده واحنا بنحابي في المجلس علشان يمشي بس جزاءهم مش التعذيب والقتل والوحشيه والارهاب

ياريت تكونوا عرفتوا انا نزلت ليه وليه لازم كل واحد ينزل يعرفهم ان البلد دي بتاعتنا مش بتاعتهم .. احنا زهقنا من الوصاية ، كفايه ، حرام … بطلوا افتري

  واجب الشرطه ايه؟

الواجب الانسانى:  لو حد تطاول من المعتصمين او المتظاهرين ، المفروض انك في خدمتهم يا عسكري ويا ظابط ،  انت اصلا واجبك  تستحمله ولو مش عاجبك  استقيل او يشوفلك شغلانه تانية لانك مش مجبر  تغضب ربنا وتعذب وترهب وتقتل وتنتهك حقوق الانسان .. غير كده انت متهم بالفجور

 هيبه الشرطة

دايما اي حد تكلمه يقولك ازاى يا عم ، هيبه الشرطة ، وكلام مالوش اى وزن بس اهو كلام حافظينه وبيرددوه

الهيبه مهمه جدا لفرض الامن ولكن يعنى ايه هيبه اصلا؟

هيبه يعنى احترام وتقدير .. عمر معناها مكان رعب وخوف وارهاب علشان تكتسب الهيبه لازم تكون محترم ، حازم مع المخطئين

ويعنى ايه معاملة المخطئين/ المشتبه بهم؟  يعنى تطبق القانون بإحترام في التعامل مع المشتبه به وحتى المجرمين

انت اهبل ولا عبيط ولا مش من مصر؟

 علشان احنا مصريين نبقي كلاب؟ مقصدش المجرم انه كلب ، انا اقصد الظابط ليه يكون كلب ينهش في انسانيه البشر بوحشيه؟ هو ميعرفش يطبق القانون غير بالقتل والكهربا والسحل؟ للدرجه دي فاشل؟

اخيراً نزول التحرير أو اي مكان مش لازم يكون لأغراض سياسية ، ولكن حقوق الانسان منتهكه في بلدنا ولازم نوقف المهزلة دي .. عاوزين نكون محترمين في بلدنا علشان يحترمونا بره بلدنا ، علشان المواطن المصري يحترم اخوه المواطن بدل ما الناس بتسب وتلعن في بعض في الشوارع

ده مش لانهم اصلا سفله ولكن المنظومة كلها فاشلة ، ابدأ من فوق ، القدوة اللي مفروض يكون ظابط الشرطة ، الطفل والشاب والراجل الكبير هيتعلموا الاحترام وهيتكسفوا قبل ما يغلطوا فيهم وده هينعكس علي طباع الناس وتعاملهم مع بعض في الشارع

شكرا

Advertisements

One thought on “هيعملوا ايه تانى؟

  1. Kareem Magdy

    well said!! I wish alot of people would think like you but unfortunately there are only few, I encourage the people of egypt to take a stand and fight for freedom, to protect your Revolution and defend the human rights, I wish I was in Cairo in Tahrir Square with my brothers who are dying for freedom, I myself not egyptian but grew up in egypt and this is my home, I lived the events throughout the first Revolution i was involved in clashes between riots and protesters, Yes I tasted the police bat and yes I picked up tears gas bombs and threw it back on the police and Ill do it again and again till freedom prevails

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s